Mig dreymdi töluna sex =>sem táknar samkennd og skynjun handan við skilningarvitin fimm: hún getur líka tengst átökum eða ágreiningi.

Það fer nú ekki mikið fyrir bloggfærslum hjá mér þótt ég hafi haft það að markmiði þegar ég byrjaði að skrifa eitthvað smá á hverjum degi, það er ljóst að ég ætla ekki að gera það, þótt ég hefði viljað skrifa um alla hluti og  hafi skoðun á nánast öllu þá er ég ekki gallalaus og á þess vegna ekki auðvelt með að dæma aðra.

Dagurinn í dag er samt búin að vera ágætur, ég fattaði það í morgun að það hefur ábyggilega engin gert skattskýrslu fyrir mömmu sem lést í desember svo ég hringdi í skattstofuna og jú það þarf víst að gera skattskýrslu ég hef tíma þar til annað kvöld að skila skýrslu ég verð bara að klára á morgun að gera skýrsluna.

Eftir samtal við "skattinn" fór ég í göngutúr með kráku mína inní sveit, ég tók hressilega á og labbaði rösklega en hún kráka mín var ekkert nema letin og slugsaði bara við hliðina á mér og þótti ekkert til göngutúrsins koma, ég var nú svolítið spæld því það er farið í sveitina fyrir hana annars hefði ég bara farið í fjallgöngu með öllum hinum í bænum sem eru í lífstílsátaki, þegar heim var komið fékk ég skýringu á því hvað gekk að kráku hún var búin að fara með Elínu í góðan og erfiðan göngutúr þar sem hún ásamt tveimur öðrum hundum fengu að taka á og þau fengu hreyfingu fyrir allan daginn

Af því að ég fór í sveitagöngu og tók vel á  þá fór ég í sund, fyrsta sálin  í lauginni klukkan 16:00 og synti svolítið og svamlaði áður en skólatónleikarnir hjá Önnu Margréti byrjuðu klukkan 17:00

Tónleikarnir voru fínir og fullt af frábærum krökkum í tónlistanámi í bænum en gormurinn minn var ekki frábær hún mundi ekki textann og hló bara af því í staðin fyrir að telja í og byrja aftur, en sjálfsagt hefur hún haft ástæður fyrir því hvernig hún brást við, fyrsta lagi hún var síðust í röðinni, kom ekkert heim í úr skólanum til að snyrta sig eða skipta um föt  fyrir tónleikana, hún beið niðri í skóla eftir söngkennaranum, örugglega eru ástæðurnar margar henni í hag sem draga úr svekkelsinu af því að heyra ekki fallegasta barnið í bænum svo ég tali nú ekki um hæfileikaríkasta,nefnið það bara þar er hún í fyrstasæti , SYNGJA BEST;  ‚

 

Athugasemdir

[Stella Rán, 6.5.2009 kl. 10:58]

Ertu búin að massa skattaskýrsluna?!?!

Láttu Önnu Margréti bara hafa sig til, punta sig smá og hafa smá einkatónleika bara fyrir þig, svo þú sjáir að hún kann lagið ;)

Knús og kossar frá Odense